Çashkë, 26 shkurt 2026
Sot, në Komunën e Çashkës, për vizitë zyrtare qëndroi Presidenti i Republikës së Shqipërisë, SH.T. Bajram Begaj.
Kryetari i Komunës së Çashkës, z. Suat Shaqiri, e njoftoi Presidentin Begaj për gjendjen aktuale të komunës, sfidat me të cilat përballen shqiptarët në këtë zonë, si dhe për projektet zhvillimore që synojnë përmirësimin e infrastrukturës, arsimit dhe kushteve të jetesës për banorët.
Në Jabollçishtë, për nder të kësaj vizite të veçantë, banorët kishin përgatitur një program mikpritës me elemente të pasura kombëtare, duke shprehur respektin dhe mirënjohjen e tyre për Presidentin Begaj dhe për kujdesin institucional të Republikës së Shqipërisë ndaj shqiptarëve në Maqedoninë e Veriut.
Kjo vizitë përbën një moment me rëndësi të veçantë për forcimin e lidhjeve ndërshqiptare, për ruajtjen e identitetit kombëtar dhe për thellimin e bashkëpunimit institucional në funksion të të drejtave dhe dinjitetit të shqiptarëve kudo që jetojnë.
Bashkimi Demokratik për Integrim vlerëson lart këtë vizitë si një dëshmi të përkushtimit për unitet kombëtar, solidaritet dhe mbështetje të ndërsjellë.
