Sllupçan, 4 korrik 2026
Rinia e Bashkimit Demokratik për Integrim nderoi dëshmorët në Sllupçan
Me rastin e 4 Korrikut, Rinia e Bashkimit Demokratik për Integrim zhvilloi homazhe te Varrezat e Dëshmorëve në Sllupçan, duke nderuar me respekt të thellë sakrificën e të gjithë dëshmorëve të Ushtrisë Çlirimtare Kombëtare.
Me një përulësi të veçantë përkujtuam Abdulmexhid Shahinin, dëshmorin më të ri të UÇK-së, i cili ra heroikisht në moshën vetëm 13-vjeçare. Jeta dhe flijimi i tij mbeten frymëzim për çdo brez që beson në lirinë, dinjitetin dhe të ardhmen e kombit.
Pas homazheve, vizituam familjen e dëshmorit, ku u pritëm me ngrohtësi nga babai, nëna, motra dhe familjarët e Abdulmexhid Shahinit. Ishte një takim i mbushur me emocione, respekt dhe mirënjohje për familjen që i dha kombit një hero.
Ne besojmë se ruajtja e kujtesës historike është detyrim i çdo të riu. Sakrifica e dëshmorëve nuk i përket vetëm historisë; ajo është përgjegjësi dhe frymëzim për të ardhmen tonë.
Lavdi e përjetshme Abdulmexhid Shahinit dhe të gjithë dëshmorëve të Ushtrisë Çlirimtare Kombëtare! 🇦🇱
