Bogovinë, 3 korrik 2026
Sonte, në Bogovinë, kryetari Ali Ahmeti mori pjesë në Kuvendin Zgjedhor të Degës së BDI-së, mes njerëzve që ndër vite kanë qenë pjesë e pandashme e rrugëtimit të përbashkët politik e kombëtar.
Kuvendi Zgjedhor ishte një tjetër dëshmi e gjallërisë së organizatës, e debatit të hapur dhe e gatishmërisë për të marrë përgjegjësi të reja në shërbim të qytetarëve.
Me zgjedhjen e Kryesisë së Degës, Këshillit Mbikëqyrës, Komitetit të Veteranëve dhe sekretarëve të sekretariateve, Bogovina hap një kapitull të ri organizativ.
Kryetari Ahmeti uroi të gjithë të zgjedhurit për përgjegjësitë e reja, duke shprehur bindjen se përvoja e dëshmuar dhe energjia e re do të ndërthuren në funksion të një organizimi edhe më të fuqishëm. Nga Bogovina, ai përcolli mesazhin se njerëzit e BDI-së dinë të qëndrojnë bashkë kur koha kërkon përgjegjësi. Sipas tij, BDI nuk është forcë vetëm për shkak të historisë së saj, por sepse vazhdon të ketë njerëz që besojnë, punojnë dhe nuk dorëzohen përballë asnjë sfide.
https://www.facebook.com/share/p/1Cpu9cFMJq/?mibextid=wwXIfr
