Kryetari i Bashkimit Demokratik për Integrim, z. Ali Ahmeti, shprehu shpreh ngushëllime për ndarjen nga jeta të Eqrem Kryeziut.
Në vazhdim postimi i plotë:
Me pikëllim mora lajmin për ndarjen nga jeta të profesor Eqrem Kryeziut, një prej personaliteteve të shquara të Prizrenit dhe jetës publike të Kosovës.
E kam njohur profesor Eqremin dhe do ta kujtoj si një intelektual me personalitet të veçantë, mendim të lirë dhe përkushtim ndaj vendit të tij. Prizrenit dhe Kosovës u shërbeu me dije, përgjegjësi dhe dinjitet, duke lënë gjurmë në jetën arsimore, politike dhe institucionale.
Familjes Kryeziu, miqve, bashkëpunëtorëve dhe qytetarëve të Prizrenit u shpreh ngushëllimet e mia më të sinqerta.
Pusho në paqe, profesor Eqrem. I përjetshëm qoftë kujtimi për Të!
https://www.facebook.com/share/p/1GUDpxV8XR/?mibextid=wwXIfr
