Tetovë, 25 prill 2026
Bashkimi Demokratik për Integrim informon opinionin publik se Kryetari i BDI-së, z. Ali Ahmeti, konvokoi mbledhjen e tretë të Kryesisë së Këshillit të Përgjithshëm.
Në këtë mbledhje u diskutuan zhvillimet aktuale politike në vend, me theks të veçantë në sfidat që lidhen me respektimin e Marrëveshjes së Ohrit, përfaqësimin e drejtë dhe adekuat, si dhe tendencat shqetësuese që cenojnë balancën ndëretnike dhe funksionimin demokratik të institucioneve.
Po ashtu, u trajtuan çështje që ndërlidhen me organizimin e brendshëm partiak, me fokus në konsolidimin dhe fuqizimin e strukturave në terren, si përgjigje ndaj dinamikave të reja politike.
Në këtë kuadër, Kryetari Ali Ahmeti njoftoi Kryesinë edhe për emërimet e kryetarëve të rinj të degëve të Bashkimit Demokratik për Integrim, si vijon:
• Bogovinë – Elez Ramadani
• Jegunovcë – Valon Nuhiu
• Shuto Orizarë – Ilaz Leskovica
BDI vlerëson se në këtë periudhë të rëndësishme politike, kërkohet qartësi, përgjegjësi dhe vendosmëri në mbrojtjen e arritjeve strategjike dhe të drejtave të qytetarëve.
Bashkimi Demokratik për Integrim mbetet i palëkundur në përkushtimin e tij për të forcuar strukturat partiake, për të ruajtur stabilitetin politik dhe për të garantuar avancimin e proceseve demokratike dhe eurointegruese të vendit.
