Prishtinë, 17 shkurt 2026
Kryetari i Bashkimit Demokratik për Integrim, Ali Ahmeti, mori pjesë në protestën e organizuar në mbështetje të bashkëluftëtarëve të Ushtrisë Çlirimtare të Kosovës që po përballen me procesin gjyqësor në Hagë.
Me këtë rast, ai ritheksoi se lufta për liri dhe pavarësi e popullit të Kosovës ka qenë e pastër si loti dhe e udhëhequr nga një ideal i vetëm – çlirimi i vendit nga okupatori serb.
Kryetari Ahmeti vlerësoi se krerët e Ushtrisë Çlirimtare të Kosovës, Hashim Thaçi, Kadri Veseli, Jakup Krasniqi, Rexhep Selimi dhe bashkëluftëtarët e tjerë, edhe një herë do ta dëshmojnë pastërtinë dhe drejtësinë e luftës çlirimtare të Kosovës.
Ai shprehu bindjen e tij të thellë në pafajësinë e bashkëluftëtarëve që po mbahen në Hagë dhe theksoi se pret që ky proces të përfundojë sa më shpejt, me triumfin e drejtësisë dhe të së vërtetës.
