Tetovë, 19 nëntor 2025
Kryetari i Bashkimit Demokratik për Integrim, Ali Ahmeti, mirëpriti në takim Ambasadorin e Republikës së Çekisë në Shkup, z. Jaroslav Ludva.
Në një atmosferë miqësore, bashkëbiseduesit diskutuan mbi zhvillimet aktuale politike në vend, si dhe mbi rrugën evropiane të Republikës së Maqedonisë së Veriut, e cila për BDI-në dhe shqiptarët mbetet prioritet i panegociueshëm.
Gjatë takimit, u vlerësua roli shtetformues i Bashkimit Demokratik për Integrim në proceset kyçe politike dhe demokratike të vendit, si dhe kontributi i saj në avancimin e agjendës euroatlantike.
Kryetari Ahmeti theksoi se procesi i integrimit evropian është investimi më i rëndësishëm për gjeneratat e ardhshme, pasi ai sjell stabilitet politik, zhvillim ekonomik dhe institucione funksionale në shërbim të qytetarëve.
