Kryetari i Bashkimit Demokratik për Integrim, Ali Ahmeti, uroi KF Shkëndijën e Haraçinës për kualifikimin në Ligën e Parë, duke e vlerësuar këtë arritje si rezultat të një pune të palodhshme, përkushtimi të vazhdueshëm dhe organizimi shembullor. Ahmeti shprehu përgëzimet e tij për futbollistët, stafin drejtues dhe të gjithë ata që ndër vite kanë kontribuar në zhvillimin e klubit, duke bërë të mundur rikthimin e tij aty ku e meriton – në elitën e futbollit të Maqedonisë së Veriut.
Ai theksoi se ky sukses paraqet vetëm fillimin e një rrugëtimi të ri drejt arritjeve edhe më të mëdha, duke i uruar klubit shumë fat, suksese dhe rezultate të mira në garat e Ligës së Parë.
